TRACKLISTING
1) Gee Voor Jy Groet [single edit]
2) Gee Voor Jy Groet [Live, 27 Mei 2006]
3) Gee Voor Jy Groet [Demo, 4 Mei 2004]
4) Gee Voor Jy Groet [extended weergawe]

Woorde & Musiek: Egmond
© Kopiereg SAMRO

Ja hier staan ek alweer vir die 100ste keer voor jou huis se bruin deur en ek sien daar kom swaar weer | Die laat uur van die nag en die koue se wag is die seer sonder smag ek onthou alweer jou lag | En ek vra myself af elke keer - hier gaan ons alweer | Wil jy my dan verruil? | Wil jy sonder my skuil? | Wil jy eet van die vrug wat die wÍreld kon klug? | Wil jy kwaad bly vir my? | Wil jy sonder my bly? | Wil jy hoor op die lug dat ek nÍrens kon vlug? | Gee Voor Jy Groet | En ek staan hier alweer vir die 1000ste keer | Ek't my les geleer | Wil jy tog maar weer probeer? | Jou gordyne trek weg en ek sien jy voel sleg | Kom jy weet tog dis reg | En ek sal mos vir jou veg


INLIGTING

UITGEREIK 7 JULIE 2007
GEE VOOR JY GROET

Die eerste single vanaf Ongevraagde "Hello" het 3 jaar geneem om te voltooi. Die musiek en backing vocals (deur Marisela en Esti Henn) is opgeneem in Julie 2004 by producer Renier Henn. Die stem opnames wat gevolg het was geskrap weens tegniese redes, en die liedjie was in 'n laai gestoor tot later. In 2005 is die liedjie herskryf en opgeneem by Bernie Millar as Jy's In My Bloed, kompleet met nuwe musiek, backing vocals en titel.

Maar die oorspronklike musiek het egter bly spook en die "haunting" vocals van Marisela en Esti Henn het hom aangepor om 'n nuwe melodie met nuwe woorde te skryf by die reeds half voltooide liedjie. Om dit uit te toets, het Egmond diŤ weergawe gesing by een van sy konserte in 2006. Dit was so goed ontvang dat hy geweet het dit hoort op die album. Die oorspronklike titel is behou en stem opnames het gevolg by Barend du Plessis in Junie van daardie jaar, maar daardie weergawe is nie gebruik nie.

In vroeg Julie 2007 is die snit weer opgeneem, die keer by Bernie Millar. Ironies genoeg, stem opnames is gedoen dieselfde dag as Dis Elektries se "Deel 2". Volgens Bernie Millar het die liedjie uitgestaan bo al die ander wat reeds voltooi was vir die album en het hy Egmond aangeraai om dit uit te reik as die eerste single. Bemarking vir die opkomende debuut album is begin met 'n digitale enkelsnit uitreiking.

Die debuut album is in 2008 aan radio stasies uitgetoets met Gee Voor Jy Groet as promosie single. Sy debuut op Radio Kragbron het gevolg deur ander SA radio en internet radio stasies (insluitend Uitsaaines). 'n "Silver Award" is verwerf op Wildhorse.Co.Za vir meer as 100 downloads 3 maande nadat dit daar beskikbaar gestel was. Diť sukses het gesorg dat Gee Voor Jy Groet ook ingesluit was op 'n limited edition compilation album getiteld Independant SA Artists Vol 1. Teen laat 2009 het dit geblyk of die debuut album se eerste single se tyd verby was.

In Februarie 2010 het Egmond die snit 'n laaste kans gegee en sy hand agter (en voor) die kamera gewaag om 'n musiek video op te neem vir die liedjie. Halfpad deur post production is hy genader deur ASTV om musiek videos in te stuur, wat die regte motivering was om die video in rekord tyd te voltooi. In Maart 2010, debuteer Gee Voor Jy Groet se musiek video op ASTV. Die video word steeds gespeel op die briljante Afrikaanse kanaal. "Ek het geweet die liedjie het trefkrag," sÍ Egmond, "en dis te danke aan die musiek video dat baie goeie dinge gebeur het!"

Die wit en swart video bevat baie simboliek. "Dis eintlik 'n diep video en pas perfek by die woorde. Die liedjie gaan oor afskeid wat 'dalk/dalk nie' gaan plaas vind en die smeke na 'nog-'n-kans'. Al wat die wÍreld nog altyd gevra het is nog 'n kans om reg te maak wat gefouteer is. Ek dink almal verdien daardie kans." Die karakters in die video speel ook in die Dis Elektries-video.

Op 23 Oktober 2015 is die 5de herdenking van die musiek video gevier deur 'n spesiale uitreiking op iTunes wat ondermeer die 2006 live weergawe bevat, 'n extended weergawe en die oorspronklike 2004 demo.

© 2017 by Egmond.