UITGEREIK 17 OKTOBER 2009
VERSLAAF

Verslaaf was die vyfde digitale uitreiking vanaf die debuut album Ongevraagde "Hello". Dit was uitgereik as gratis digitale download op Wildhorse.Co.Za in Oktober 2009. Die besluit om nog 'n single na Mors uit te reik was weens die konstante aanvraag vir nog musiek van Egmond af.

Verslaaf het wel reeds in Februarie 2009 op Channel 24 'n draai gemaak as 'n promosie single vir die debuut album met die byskrif "Fans of Modern Talking are going to go ga-ga over this Afrikaans synth-pop koeksissie off the heartbreaker's new CD, Ongevraagde 'Hello'."

Kort na die sukses van die Gee Voor Jy Groet musiek video in vroeg 2010, is daar 'n plan uiteengesit vir 'n Verslaaf musiek video. Die doel was om tydens die opkomende musiek videos (wat beplan was vir sy debuut album) footage op te neem wat vir die Verslaaf video gebruik sou word. Die idee was om Verslaaf as die laaste van die beplande musiek videos uit te reik wat sou bestaan uit gedeeltes wat met al die vorige videos se temas sou spog. Die opnames het begin tydens die verfilming van die As Jy Wil musiek video in Maart 2010. Maar weens skedule probleme het die opnames vir die Verslaaf gedeeltes nie plaas gevind tydens die opvolg video Dis Elektries nie. Die reeds voltooide opnames was toe in die laai geplaas en "vergeet"!

Tydens die renaisance van Egmond se vorige enkelsnitte in 2010/2011 het Verslaaf agtergebly en was die enkelsnit nie weer beskikbaar gestel nie. Ten tyde van die album 1 Dosyn is Verslaaf weer besoek en is 'n 2015 remix daarvan ingesluit en uitgereik as single, terwyl die oorspronklike video materiaal daarna herwerk is en in Januarie 2016 uitgereik was.

2015 Remix
UITGEREIK 14 AUGUSTUS 2015

Ten tyde van die grootste treffers album 1 Dosyn se beplanning is die enkelsnit Verslaaf weer genader. Die liedjie het tydens die renaisance van Egmond se debuut album in 2010/11 nie veel aandag gekry nie, en Egmond het gevoel dat dit weer tyd was om die snit in die kollig te bring.

'n 2015 Remix is spesiaal vir die album voltooi en uitgereik as die 2de enkelsnit vanaf 1 Dosyn in Augustus 2015.

Die vergete video footage wat in 2010 opgeneem is vir Verslaaf is uit die laai gepluk om 'n musiek video te voltooi wat 'n homage is aan Egmond se gunsteling fliek reeks The Lord of the Rings. Die ikoniese Middle Earth standbeeldjies wat deel vorm van Egmond se privaat versameling, asook die bekende "fonts" wat in die films gebruik word, maak dit 'n unieke video wat lyk na die end credits van die film reeks. Die 7 fotos wat verskyn in die tweede helfde van die video is ook gedoen in die styl van die fliek reeks se hoofrolle waar die fotos die ander 7 album enkelsnitte verteenwoordig wat uitgereik is vanaf Ongevraagde "Hello" (waarvan Verslaaf ook deel was in sy oorspronklike vorm).

Vir diegene wat wonder - die skrif wat rondom die ring draai is nie die spreekwoord "One Ring To Rule Them All" nie, maar eenvoudig die enkelsnit se titel: "Egmond - Verslaaf". 'n Verkorte weergawe van die musiek video is op 30 Julie 2015 uitgereik op You Tube ter promosie van die album 1 Dosyn, terwyl die vollengte weergawe in Januarie 2016 die lig gesien het.