Mors (2021 Version) is een van die produksies wat oorspronklik vir die Ongevraagde “Hello” 2.0 album voltooi is. Daar was reeds in 2017 gewerk aan ‘n remix vir Mors, maar dit was gestaak omdat die regte klank nie gevind kon word nie. Die 2.0 weergawe van Ongevraagde “Hello” se beplanning het gesorg dat dit weer besoek is en vir weke was daar gewerk aan die liedjie se nuwe mix – met ‘n balans wat eer betoon aan die oorspronklike maar dit ook meer modern maak. Die mix is voltooi vroeg April 2021.

Beeldmateriaal is opgeneem vir ‘n musiek video in Maart 2021. ‘n Teaser is uitgereik later daardie maand wat afgekondig het dat die liedjie in April sou volg. Dit is later onttrek en vervang deur Dis Elektries.

Halfpad deur die album se opnames is die 2021 weergawe onttrek vanaf die projek. Die rede daar voor was eenvoudig – die oorspronklike weergawe sou beter pas by daardie projek en daar word besluit om die nuwe 2021 weergawe van Mors by ‘n ander projek in te sluit – Ongevraagde Ritmes 2.0.  Ongelukkig is die projek gekanselleer, maar die enkelsnit is steeds uitgereik. ‘n Nuwe omslag van die enkelsnit is bekend gemaak in Augustus 2021.

‘n Nuwe musiek video is voltooi vanaf die oorspronklike 2011 beeldmateriaal wat herwin is vir die nuwe weergawe. Dit bevat ook opnames van Egmond se eerste groot konsert in Maart 2004, naamlik die Abraham Kriel Kinderhuis konsert wat in Modimolle gehou was saam met twee 7de Laan sterre.

Die September 2021 uitreikings datum is gekies omdat dit die 10de herdenking is van die oorspronklike 2011 musiek video se debuut op YouTube.