Beskryf as sy mees persoonlikste album nog, word 17:28 vroeg 2026 afgekondig as die pop-rocker se volgende album. Met ‘n uitreikings datum in 2027, word daar tans aan die album gewerskaf. Die album is afgeskop deur die #1 treffer Aardbewing wat laat 2025 uitgereik is.

Stop is die tweede enkelsnit, en was bykans teruggehou toe In My Arms in Januarie 2026 voorkeur gekry het, maar in Maart 2026 word In My Arms weer onttrek en word Stop weer ingestel as die opvolg op Aardbewing. Die snit is die perfekte album opener en bevat ook die album titel. Die liedjie is in Junie 2026 opgeneem by Leon Barnardt, wat balans van die album sal voltooi.

Die volgende opname is beplan vir Augustus. Die titel Nee is in laat Julie afgekondig. Egmond vertel dat dit eintlik stok oud en splinternuut is. “Dit was ‘n klomp onvoltooide liedjies, net wysies wat ek deur die jare eenkant gebêre het, en die drie wysies het soos ‘n handskoen gepas.” Nee sal die album se derde enkelsnit wees.

Ander snitte wat ooka fgekondig is vir die album is, Einde Van Die Begin, Iemand, Sondag Droom en Die Een Wat Jou Goodnight Wil Soen. Sondag Droom is ‘n Afrikaanse weergawe van Everything We Say. Iemand, ‘n diep ballade wat in 2022 geskryf is, het nuwe lirieke gekry in 2026, saam met Einde Van Die Begin, wat reeds in 2004 geskryf was as die snit Oorsee. Watter liedjies die finale produk gaan haal sal nog bekend gemaak word.

Naas die titel wat weggesteek is in die lirieke van Stop, verksyn dit ook in verskeie media, soos die musiek videos, enkelsnit omslae en meer. Die derde enkelsnit Nee het ook verwysing daarna. Die album fotosessie het in Maart 2026 plaasgevind, terwyl die omslag later daardie maand op sosiale media bekend gestel is. Die album sal op streaming, CD en LP uitgereik word.