Encore (Op Die Radio) is die eerste enkelsnit vanaf die treffer album Sirkus Applous Encore. Die album het byna nie die titelsnit bevat nie! Dit sou oorspronklik slegs ‘n nuwe remix van Everything We Say gehad het as “nuwe” snit vir die versameling. Maar nadat daar in die argiewe rondgekrap is tydens die Ongevraagde “Hello” 2.0 beplanning, het een demo van 2003 uitgestaan.

I Know is ‘n liedjie wat geskryf was in Hermanus laat 2003. Dit was nie deel van die beplande Engelse debuut album nie, maar in 2004, toe daar besluit was om daardie album in Afrikaans op te neem, was I Know vertaal en het die liedjie (toe getiteld) Meermin sy plek op die album ingeneem. Die snit was tot in 2007 op die lys van liedjies wat opgeneem moes word, maar Gee Voor Jy Groet, Dis Elektries en Brug Lelies het hierdie en ander snitte vervang.

In 2021 word I Know / Meermin weer “ontdek”. ‘n Paar dae later word nuwe Afrikaanse lirieke geskryf omdat Meermin se woorde oud en eenvoudig gevoel het. Egmond vertel dat hy graag iewers ‘n deel van die album titel in die liedjie wou gebruik. “Encore” het skielik gepas en “Op Die Radio” het terselfde tyd ook plek gevind in die nuwe lirieke, en die demo word dadelik opgeneem op 8 April 2021.

Produksie vir die nuwe snit is gehandhaaf deur Sandy Robbie in Australië in vroeg 2022. Stem opnames is voltooi in Maart in Bethlehem en die snit se produksie is voltooi in die eerste week van April. Die lirieke was tydens die opname proses verder aangepas.

Die musiek video is opgeneem in Maart terwyl die snit in finale produksie was, met addisionele stock footage vanaf Pexels.Com. Die video het in die laaste paar uur van redigering “per ongeluk” ‘n nuwe rigting ingeslaan met die insluiting van die meteoriete en ontploffings. Die video en enkelsnit het premiere op 22 April 2022 en het reeds duskant die 4000 kykers gelok het op YouTube.