Die jaar 2011 lewer nog ‘n string suksesvolle musiek videos op. Ou enkelsnitte word weer uitgereik en Channel24 bemark die musiek en videos. Radio sukses volg met verskeie onderhoude en top 10 treffers, terwyl Dis Elektries (ft Yolandi) vir 8 weke lank die nommer een posisie beklee op Uitsaaines in 2011. Die aanvraag na nog ‘n duet met Yolandi lewer twee opnames op. Brug Lelies word verander in ‘n duet vir ‘n nuwe weergawe van die album, terwyl daar in die agtergrond gewerk word aan Vlieg wat geskeduleer word as ‘n enkelsnit vir einde van die jaar.

Met Brug Lelies (ft Yolandi) in die kant word die album se loop orde weereens verander. Brug Lelies word laaste geplaas om die album af te sluit, en die remix van Ongelooflik, asook die deel 2 van Dis Elektries, word verwyder om die album weereens ‘n kort en kragtige 10-stuk versameling te maak. (Die solo weergawe van Brug Lelies, deel 2 van Dis Elektries en Ongelooflik word later in 2012 ingesluit op die Ongevraagde “Ritmes” album.) Die 2008 en 2010 weergawes word afgetree en Egmond deel met die uitreiking dat hy gevoel het of die album uiteindelik voltooi was. Die omslag wat ontwerp was vir die album se 2010 weergawe is aangepas om elemente van die musiek videos uit te beeld, met tonele wat op die agtergrond verskyn, asook Egmond se worshond Sebastiaan wat in die hoek links onder loer na die kamera.

Die debuut album was in Desember 2011 in Musicco winkels uitgereik vir ‘n beperkte tydperk en is sedertien slegs op digitale platforms beskikbaar. In 2015 en 2016 is al die enkelsnitte ook uitgereik op iTunes met verskeie b-sides en demos as deel van die album se 5-jaar herdenking. ‘n Spesiale remake van Dis Elektries het gevolg in Oktober 2016, terwyl ‘n remix van Gister ook uitgereik is op iTunes Connect.

In 2020 is hierdie oorspronklike 2008 weergawe vir die eerste keer digitaal uitgereik, en aangesien dit ook op Skrikkeljaar gebeur, en boonop die 3de Skrikkeljaar is sedert 2008, is daar drie bonus snitte bygesit wat nie die album gehaal het nie. Die liedjies is ondermeer die akoestiese weergawe van In My Arms wat opgevoer is in 2003, asook die studio demos van Rooi en Een Ding. Die oorspronklike album omslag is weer gebruik vir die vrystelling tesame met die onderskrif Skrikkeljaar. Die omslag bring hulde aan die debuut album van Egmond se gunsteling musiek groep, Roxette. Daardie album, Pearls of Passion, het ‘n soortgelyke byskrif gehad het toe dit weer uitgereik was in 1997, 11 jaar na sy debuut.

Verskille tussen die 2011 weergawe en die oorspronklike 2008 weergawe sluit in die liedjies Dis Elektries en Brug Lelies wat beide in duette in verander is, met Dis Elektries wat ‘n totale ou demo weergawe uit die argiewe laat kom het om weer opgeneem te word as ‘n meer dans georienteerde weergawe. Ander liedjies soos Gister en Gee Voor Jy Groet het klein veranderings ondergaan in post-production. Die album het ook ‘n ander hardloop orde gehad, met Brug Lelies en Verslaaf wat plekke omgeruil het. Die liedjie Dis Elektries het ook in die 2011 weergawe opgeskuif in die nommer 5 posisie omdat die liedjie se nuwe styl meer ingepas het by die begin van die album.

Brug Lelies se solo weergawe is uiteindelik in 2020 digitaal uitgereik as deel van die album se promosie. Verslaaf sou self deel vorm van die bemarkings veldtog maar die remix weergawe is op die ou einde gebruik vir die Remixed album.

In Desember 2021 word die 2011 album se 10de jaar herdenk met die uitreiking van Ongevraagde “Hello” 2.0. Die album bevat nuwe weergawes van verskeie treffers, insluitende Dis Elektries. Met die uitreiking van “2.0” word die 2011 album ook afgetree. 

‘n Spesiale LP en CD van die debuut album word uitgereik as die “definitive” weergawe, wat slegs te koop aangebied word hier. Die album bestaan uit 12 snitte, en sluit ook die nuwe remasters van Gister en Jy’s In My Bloed in wat uitgereik word as hul onderskeidelike “20th Anniversary Editions” op Kersdag 2025. Die 2021 weergawe van Dis Elektries (ft Yolandi), asook die nuwe opname Hello, word hier ingesluit, saam met This Morning se 2023 single edit remaster. Die uitreiking bied twee weergawes van die album op CD en LP, met beide weergawes wat versamelaars die opsie bied met of sonder ‘n 12-bladsy booklet. Die booklet sluit voorheen onbeskikbare fotos in, en opgedateerde kunswerk vir die album.